Cinquant'anni di ricordi e musica, Gesù mi mannau a lu munnu e lu ringraziu di avermi datu la vita, vita immezzo a una natura bellissima; iddu mi regalau una famiglia grannissima, famiglia composta di sette frati e tri souru. Io sugnu lu penultimo e Pineddu detto Joe è l'ultimo. Forsi picchì troppu vicinu nati, ni vulemu beni comu du veri frati. Avemu la vuci e la statura la stessa, la genti ni scancia unu cu l'avutru. Li sentimenti chi Diu ni detti sunnu quasi li stessi; a Sciacca faciamu li mobilieri e li chitarristi insignati da li nostri nonni e fratelli chiù granni. Ricordo amurusamenti l'autri dui fratuzzi mei: Lorenzu scienziatu, atleta importanti, gareggiau a Roma e a Sciacca purtau li miragli; Andria cantava cu lu donu di natura, cantava cu la chitarra li sirinati e s'arrusbigliavanu tutti gli 'nnamurati. Ma Gesù cu iddu na lu celu si li purtau e a mia stu gran ricordu mi lassau.

Navutru ricordu 'mpurtanti è la chitarra chi Andria nsignau a mia e ancora chiù 'mpurtanti chi iu nsignavu a Pineddu, Pineddu detto Joe, chi di la musica nsemmula cu mia, ni ficimu una cosa granni, granni comu lu celu, la terra e lu mari, sunannu cu tutti l'amici e nemici chi nun vogliu stari 'cca a elencari pi nun fari offisa mancu a lu chiù nemicu, ma unu, cu lu cori lu vogliu annintuari, si chiamava Cicinu. Iddu, pi nutri dui fratuzzi, fu lu padrinu, purtannuni in giru pi tutta la Sicilia a sunari, cu sbattiti di manu e bicchieri di vinu. Di statura era grandi e grosso, ma ni lu palco era un colossu; allittratu parlava comu fussi un buato: "Vi presentu li fratelli Cusumanu, chi fra pocu ni lassanu e partinu a Milano, partinu a Milanu dopu chi cu la squatra siciliana vinceru e purtaru a Palermo lu campanile d'oru".

Lu farmacista Nino Mazza, sempre a nuatri vicinu 'ni 'struia e nni purtava in tutta l'Italia in giru. Pineddu cu lu dutturi vicinu, si scatenava comu fussi un malantrino, malantrinu di chitarra, cu li ita chi ci vulavanu comu fussi una palla accumpagnatu cu lu cori di mia cu la chitarra, iddu stava sempri in allegria, sunannu cu la sua gran fantasia. Ma quannu iu a Pineddu lu lassavi sulu a Milanu la lotta pi iddu addivintau chiu dura e infernale, picchi lu meridionale a Milanu unnavia a spuntari, ma la passioni era tanta forti pi sta musica dintra lu so cori chi un vosi mai a Sciacca riturnari. Passanu jorna, misi e anni sunannu di tutti li meglio locali di Milanu.

Na sira capitau lu chiù granni violinista di tuttu lu munnu, Joe Venuti, di passaggiu a lu locale "Capolinea"; si misiru a sunari insemmula cun gran simpatia. Na simpatia di vera musicalità, chi iddi dui suli sapianu fari e ddocu nasciu la fortuna di Pineddu chi si canciau lu nomu pi fari n'omaggiu a iddu. Certu, li chitarristi di Milanu nun si la pigliaru bona chi Joe Venuti si scelsi lu sicilianu purtannulu a sunari ni tutti li chiù mportanti teatri italiani, facennnu un successu personali stripitusu. E accussi, Pineddu detto Joe, vinni misu nta lu giurnali specializzatu di musica Jazz, cu tutti li meglio sunatura jazz di lu munnu, cu na grossa fotografia e na grossa scrittura, dicennu: "Ecco il cuore di Joe Cusumano, che sarebbe piaciuto ad Edmondo De Amicis".

Ma dopu aviri sunato a lu teatru "La Fenice" di Venezia con grande successo, Joe Venuti si lu vulia pur tari cu iddu in america pi lanciallu in campo mondiale, ma Joe rimastu Pineddu, pi un vulari cu l'aeroplano, rinuncia a sta bedda fortuna. Cuntinuannu a Milanu a sunari, facennu cuncerti tutti li siri, cu lu so nomu in testa: "Joe Cusumano in concerto Jazz" e dopo un po' di tempo minacciato da tanti colleghi 'nviriusi, si trasferiu a forma di villeggiatura a Pieve Porto Morrone, vicino Piacenza Porta Pazienza (come diceva lui…) pieno di amici e tanto amore di tutta la gente del paesino dove inventau e pubblicau cento canzoni per vivere meglio: "Porta stu salami all'avvocato", "I Bambini poveri", "All'ortolana gli piace il jazz", "Caro fratello tu vai a Milano", "Rossana son belle le tue poesie", ecc…Segue l'avventura a Roma, dove si affermò suonando in televisione con il presentatore Frizzi, Frassica ed altri artisti.
In questi ultimi tempi sta facendo parlare molte delle sue estrose sigle radiofoniche: "Guglielmo Marconi", "L'oratorio di San Giuseppe", "Italia '90", "Il ruggito del coniglio", ecc…